تورتة الجيللى....خفيفه ولذيذة

عضو نشيط

اخواتى الحبيبات
السلام عليكم ورحمة الله وبركاته

من الطف التورتات
اللى الكل بيحبها
تورتة الجيللى
المقادير
كيك اسفنجى

علبتين جيللى فراوله
موز مقطع شرائح بالورب
كريم شانتيه لحشو التورته وتغليف الجوانب (2 باكو)
قطع كمبوت مشكل و قليل من شراب الكمبوت

الطريقه

1-نحضر الكيك الاسفنجى بالطريقه الموجودة فى الرابط

2- هذا المقدار يكفى صينيه مستديرة مقاس 26 عاليه الحافه

3-بعد خبز الكيك .نقلبها على منخل سلك لتبرد تماما

4-نغسل الصينيه ونجففها ونحضر فيها الجيللى بالطريقه المدونه على العلبه . ونضع فيه الموز او اى صنف فواكه ترغبيه مقطع شرائح بالورب .ندخل الصينيه بالجيللى فى الثلاجه لفترة كافيه ليجمد فيها الجيللى

5-فى هذة الاثناء.نشق الكيك الاسفنجى نصفين ونسقيها بقليل من شراب الكمبوت .نضع فيها الكريم شانتى المخفوق وقطع الكمبوت المشكل .نضع النصفين على بعض ونضغط عليها بخفه حتى يتماسك النصفين معا

6-بعد ان يتماسك الجيللى تماما نخرج الصينيه من الثلاجه ونضع فيها الكيكه اللى حشيناها ونضغط عليها بخفه حتى تلتصق بالجيللى وندخلها الثلاجه مرة اخرى لمدة 3 ساعات

7-نخرج الكيكه من الثلاجه .نعمل حمام مائى فى صينيه مقاسها اوسع قليلا من صينيه الكيكه .ننزل الصينيه فيه بسرعه ونطلعها فورا ونهز الصينيه قليلا .اذا لاقيتيها بتتهز معاكى بسيط .اقلبيها على صينيه التقديم .اذا لم تنقلب معكى .اعيدى تنزيلها فى حمام المائى لاقل من نصف دقيقه وطلعيها بسرعه.
واقلبيها

8-اذا حسيتى ان الجيللى ساح قليلا من الجوانب .دخليها بسرعه الثلاجه تتماسك مرة اخرى

9-زينيها من الجوانب بالكريم شانتى وشيكولاته فارماسيل
او مكسرات او سودانى
10- ادخليها الثلاجه لحين التقديم

جربوها هاتعجبكم جدا

» تورتة الجيللى....خفيفه ولذيذة